Main
नक्कली सुन दिएर ठगी गरेको आरोपमा एकजना पक्राउ
२७ कात्तिक, काठमाडौं । सक्कली सुन भन्दै नक्कली सुन दिएर ठगी गरेको आरोपमा एक जना पक्राउ परेका छन् ।
पक्राउ पर्नेमा ३१ वर्षीय चन्द्रबहादुर योन्जन छन् । उनलाई जिल्ला प्रहरी परिसर ललितपुर र काठमाडौं उपत्यका अपराध अनुसन्धान कार्यालयको संयुक्त टोलीले पक्राउ गरेको हो ।
उनले ललितपुर महानगरपालिका–१५ खुमलटार बस्ने गौमती कुमारी थापालाई ठगी गरेको प्रहरीले जनाएको छ ।
योन्जनले सुनजस्तो धातु देखाई सक्कली सुन हो भन्दै उक्त सुन दिएर थापाको कानमा लगाएको १.५ तोला (२ लाख ५५ हजार) बरारको सुन लिई ठगी गरेको आरोप छ ।
पक्राउ परेका योन्जनविरुद्ध ठगीको कसुरमा ७ दिनको म्याद लिएर अनुसन्धान अघि बढाइएको प्रहरीले जनाएको छ ।
– यस समाचारको श्रोत : Online Khabar हो ।