नेपाल फिलिपिन्स सोसाइटीद्वारा निःशुल्क स्वास्थ्य शिविर, ७ सय जनाको स्वास्थ्य परीक्षण
काठमाडौं । नेपाल फिलिपिन्स सोसाइटीले दीक्षालय नेपाल फाउन्डेसनको सहकार्यमा निःशुल्क स्वास्थ्य शिविर सञ्चालन गरेको छ ।
फाउन्डेसनको विद्यालय परिसरमा आयोजित शिविरमा करिब ७०० जनाको स्वास्थ्य परीक्षण गरिएको फाउन्डेसनले जनाएको छ ।
स्वास्थ्य शिविरमा विशेषज्ञ चिकित्सकहरूले स्त्रीरोग, हाडजोर्नी तथा दुखाइ, हृदयरोग तथा पल्मोनरी, रेडियोलजी, पेथोलोजी, आँखा, छाला, पिसाब तथा मृगौला, नाक-कान-घाँटी, बालरोग, दन्त रोग तथा फोक्सो सम्बन्धी रोगको चेकजाँच गरेका थिए ।
सोसाइटीका अध्यक्ष भोलाबहादुर बिष्टले आगामी दिनमा पनि यस प्रकारको निःशुल्क स्वास्थ्य शिविर काठमाडौं लगायत देशका विभिन्न स्थानमा सञ्चालन गरिने बताए ।
कार्यक्रममा फाउन्डेसनका प्रबन्ध निर्देशक चित्रकुमार दहालले शिविर सञ्चालनमा सहयोग पुर्याउने सबैलाई धन्यवाद दिँदै आगामी दिनमा पनि यस्ता कार्यक्रम गर्न सहयोग गर्न सोसाइटीसँग आग्रह गरे ।
शिविर सञ्चालन गर्न सोसाइटीका उपाध्यक्ष डाक्टर रोशन पिया, डाक्टर केयुर गौतम लगायतले सहयोग गरेको फाउन्डेसनले जनाएको छ ।
– यस समाचारको श्रोत : Online Khabar हो ।