पाँचजना नेपाली फिल्ममेकर बर्लिनाले ट्यालेन्टमा छनोट

काठमाडौं । पाँचजना नेपाली फिल्ममेकर विश्वप्रसिद्ध बर्लिन फिल्म फेस्टिभल अन्तर्गतको बर्लिनाले ट्यालेन्टमा छनोट भएका छन् ।

फेस्टिभलले मंगलबार विश्वभरका २०२ फिल्म फिल्ममेकरको नाम सार्वजनिक गरेको हो ।

जसमध्ये नेपालबाट निर्देशक फिडेल देवकोटा, साउण्ड डिजाइनर उत्तम न्यौपाने, अभिनेत्री गौमाया गुरुङ, प्रोडक्सन डिजाइनर रामु र स्क्रिनराइटर राजन कठेत छन् ।

रामु (बायाँ) र राजन कठेत ।

यसपटक बर्लिनाले ट्यालेन्टको मुख्य थिम ‘सिनेमाको मातृभाषा’ हुनेछ । फेब्रुअरी १७ देखि २२ सम्म हुने बर्लिनाले ट्यालेन्टमा फिल्मबारे छलफल, कार्यशाला, सार्वजनिक वहस संचालन हुनेछन् । छनोट भएका फिल्ममेकरले यी सत्रमा भाग लिने मौका पाउनेछन् ।

यसवर्षको संस्करणमा १३१ मुलुकबाट ३८३२ जनाले आवेदन दिएका थिए ।

– यस समाचारको श्रोत : Online Khabar हो ।