वैदेशिक रोजगारीले अर्थतन्त्रका अवयवमा ल्याएको परिवर्तनबारे सरकारले अध्ययन गर्ने

६ साउन, काठमाडौं । सरकारले वैदेशिक रोजगारीका कारण अर्थतन्त्रको अवयवहरुमा ल्याएको परिवर्तनबारे अध्ययन गर्ने भएको छ ।

प्रतिनिधिसभामा विश्वासको मत लिने प्रस्ताव गर्दै प्रधानमन्त्री ओलीले आफ्नो सरकारका प्राथमिकताहरु पेश गरेका हुन् ।

मोटरसाइलको सट्टा स्कुटरको खपत वृद्धि भएको समाचार पढेको भन्दै उनले रोजगारीको अर्थतन्त्रको कुनकुन अवयवमा के कस्तो परिवर्तन ल्याएको भन्ने विश्लेषण हुन नसकेको बताए ।

उनले अगाडि भने, ‘वैदेशिक रोजगारीको अर्थतन्त्रको कुनकुन अवयबमा केकस्तो परिवर्तन ल्याएको छ । माग र आपूर्ति कहाँ घटेको छ, कहाँ बढेको छ भनेर राष्ट्र बैंकले विस्तृत अध्ययन गर्ने छ ।’

– यस समाचारको श्रोत : Online Khabar हो ।