सुकुम्बासी बस्तीमा ओभानो केही छैन (तस्वीरहरु)
१३ असोज, काठमाडौं । काठमाडौंको टेकु दोभान नजिकै पर्ने रानीघाटस्थित सुकुम्बासी टोलमा आइतबार बिहान पुग्दा पानी अझै सुकेको थिएन ।
भित्र बाहिर सबैतिर हिलाम्ये थियो । यहाँका बासिन्दा ओभानो ठाउँ खोजेर सर्ने विचारमा थिए । तर जताततै भिजेकाले कहाँ जाने भन्ने अन्योलमा परेका थिए । सार्न मिल्ने सामानहरु जम्मा पार्दै थिए ।
कोही भने घरभित्रबाट भिजेका सामान र लुगाफाटो झिकेर सुकाउँदै थिए । घरको हिलो पखाल्दै थिए । काठमाडौं महानगरपालिकाको एक टोली एउटा डोजरसहित त्यस क्षेत्रमा सरसफाइमा सहयोग गर्न पुगेको थियो ।
यही बस्तीकी पवित्रा मगर पनि आइतबार बिहान १० बजे आफ्नो घर आइपुगिन् । ठूलो पानी आउँछ भन्ने सुनेपछि उनी शुक्रबार राति भक्तपुरमा छोरीको घर गएकी थिइन् ।
आइतबार कान्छी छोरी र आफन्तको सहयोगमा उनी घरभित्रका सामान मिलाउँदै थिइन् । लेदोसहितको बाढीले घर डुबाएका कारण धेरै सामान काम नलाग्ने भएको उनले बताइन् ।
हेर्नुहोस् तस्वीरहरु :
– यस समाचारको श्रोत : Online Khabar हो ।