Main
स्टोन्सले इन्जुरी टाइममा गोल गरेपछि सिटीको पुनरागमन जित
४ कात्तिक, काठमाडौं । जोन स्टोन्सले इन्जुरी टाइममा गोल गरेपछि म्यानचेष्टर सिटीले प्रिमियर लिगमा आइतबार वल्भसमाथि २-१ को पुनरागमन जित हात पारेको छ ।
घरेलु मैदानमा जोर्गेन लार्सनले सातौं मिनेटमै गोल गर्दै वल्भसलाई अग्रता दिलाएका थिए । तर त्यो अग्रता लामो समय टिकेन ।
३३औं मिनेटमै जस्को गार्डिओलले सिटीका लागि बराबरी गोल फर्काए ।
बराबरीतर्फ अग्रसर भएको खेलमा स्टोन्स नायक बन्दा सिटीले ३ अंक जोड्यो । स्टोन्सले इन्जुरी टाइमको पाँचौ मिनेटमा फिल फोडेनको पासमा गोल गरेका थिए ।
जितपछि सिटी ८ खेलबाट २० अंक जोडेर केही समयको लागि शीर्ष स्थानमा उक्लेको छ ।
– यस समाचारको श्रोत : Online Khabar हो ।