भारोत्तोलन ओलम्पिक सोलिडारिटी कोर्स सम्पन्न
३२ जेठ, काठमाडौं । नेपाली भारोत्तोलनले नयाँ २९ प्रशिक्षक पाएको छ ।
भारोत्तोलनको प्रशिक्षकका लागि ओलम्पिक सोलिडारिटी कोर्स शुक्रबार सम्पन्न भएयता यो खेलमा नयाँ जनशक्ति थपिएको हो ।
नेपाल ओलम्पिक कमिटीको सातदोबाटोस्थिति भवनमा कुल पाँच दिन सञ्चालन भएको कार्यक्रममा कोर्स निर्देशकको भूमिका सर्बियाली एरभिन रोज्सयानिकले निभाएका थिए ।
समापनको अवसरमा रोज्सयानिकले ओलम्पिक सोलिडारिटी कोर्सको माध्यमबाट नेपाली भारोत्तोलनको विकासमा मद्धत पुग्ने विश्वास राखे ।
नेपाल भारोक्तोलन संघका अध्यक्ष रामकृष्ण श्रेष्ठले यो कार्यक्रमले खेलाडी उत्पादन र उनीहरूको विकासमा टेवा पुग्ने बताए । उनले यस कार्यक्रममा सहभागीलाई अझ परिस्कृत प्रशिक्षण कार्यक्रममा सहभागी गराउने पनि बताए ।
नेपाली भारोत्तोलनमा दस वर्षपछि ओलम्पिक सोलिडारिटी कोर्स भएको हो ।
– यस समाचारको श्रोत : Online Khabar हो ।