कञ्चनपुरमा अवैध काठसहित सामुदायिक वनका सचिव पक्राउ

२६ चैत, धनगढी । कञ्चनपुरमा अवैध रूपमा लुकाएर राखेकाे काठसहित सामुदायिक वन उपभोक्ता समितिका सचिव पक्राउ परेका छन् ।

कृष्णपुर नगरपालिका-१ मा रहेकाे जगदम्बा मयूर सामुदायिक वन उपभोक्ता समितिका सचिव गाेविन्द पन्तलाई अवैध काठसहित पक्राउ गरिएको डिभिजन वन कार्यालयले जनाएको छ ।

डिभिजन वन कार्यालयका प्रमुख भीमप्रसाद ढकालले खेतमा काठ लुकाइछिपाइ राखेकाे अवस्थामा पन्तलाई पक्राउ गरिएको जानकारी दिए । उनले अवैध रूपमा लुकाएर राखेकाे काठसमेत बरामद गरिएको छ । अदालतबाट म्याद थप गरेर पन्तमाथि अनुसन्धान भइरहेको डिभिजन वन कार्यालयले जनाएको छ ।

– यस समाचारको श्रोत : Online Khabar हो ।