Main
सुदूरपश्चिमका मुख्यमन्त्रीलाई विश्वासको मत दिन नाउपाको ह्वीप
३० साउन, धनगढी । नागरिक उन्मुक्ति पार्टी (नाउपा)ले सुदूरपश्चिम प्रदेशका मुख्यमन्त्री कमलबहादुर शाहलाई विश्वासको मत दिन ह्वीप जारी गरेको छ ।
प्रदेश संसदीय दलको बैठकले मुख्यमन्त्रीलाई विश्वासको मत दिन ह्वीप जारी गरेको हो ।
संसदीय दलका नेता घनश्याम चौधरीले मुख्यमन्त्रीलाई विश्वासको मत दिने निर्णय गर्दै ह्वीप जारी गरिएको जानकारी दिए ।
दलको बैठकमा प्रदेश सभा सदस्य कैलाश चौधरी र खुसिराम डगौरा थारू भने सहभागी थिएनन् ।
नाउपामा अध्यक्ष रञ्जिता श्रेष्ठ निकट मानिने दुवै जना सहभागी नभएपछि उनीहरू विश्वासको मत प्रक्रियामा सहभागी हुने/नहुने कुरा प्रष्ट भएको छैन ।
प्रदेश सभा सदस्य कैलाश चौधरीले भने प्रदेश सभाको बैठकमा सहभागी हुने प्रतिक्रिया दिएका छन् ।
– यस समाचारको श्रोत : Online Khabar हो ।