आयोजक टिमलाई हराउँदै जावलाखेल सेमिफाइनलमा
१५ फागुन, काठमाडौं । आयोजक टिम केपी ओली एफसीलाई २–१ ले पराजित गर्दै जावलाखेल युथ क्लब सेमिफाइनल प्रवेश गरेको छ ।
खेलको पहिलो हाफमा ३९ औं मिनेटमा गोल गर्दै जावलाखेल युथ क्लबका लागि निराजन धामीले टिमलाई १–० को अग्रता दिलाएका थिए । उनले कमल श्रेष्ठको ब्याक पास बलमा अनन्त तामाङलाई ओभरटेक गर्दै प्रिसोसँगको वान बाई वानमा गोल गरेका हुन् ।
खेलकोे ८१ औं मिनेटमा पुन निरज चौधरीले गोल गर्दै अग्रता दोब्बर बनाएका हुन् । निरजले दुई डिफेन्डरलाई बिट गर्दै डी बक्स अगाडिबाट गोल गरेका हुन् ।
केपी ओली एफसीका लागि सुमित श्रेष्ठको फ्रि किकमा अडामा डाम्बियाले ८४ औं मिनेटमा हेडरमार्फत जवाफी गोल फर्काए ।
पहिलो खेलमा चर्च ब्वाइज युनाइटेडलाई ३–० ले पराजित गर्दै क्वाटरफाइनल पुगेको केपी एफसी दोस्रो खेलमा पराजित हुँदै बाहिरिएको हो ।
न्युरोड टिम–एनआरटी पनि थ्रीस्टार क्लबलाई १–० ले पराजित गर्दै सेमिफाइनलमा स्थान बनाएको थियो ।
जावलाखेल युथ क्लबले अब न्युरोड टिम एनआरटीसँग बिहीबार सेमिफाइनलमा खेल्ने छ । यी दुई टिमबीचको पहिलो सेमिफाइनल खेल दशरथ रंगशालामा ११:३० बजे सुरु हुनेछ ।
– यस समाचारको श्रोत : Online Khabar हो ।