इन्टर कलेज इन्डोर क्रिकेट प्रतियोगिता बुधबारदेखि

३ भदौ, काठमाडौं । प्रथम उपत्यकाव्यापी अन्तर-कलेज इनडोर क्रिकेट प्रतियोगिता भदौ ५ गतेदेखि ८ गतेसम्म काठमाडौंको चुनिखेलमा हुने भएको छ । बुढानीलकण्ठ नगरपालिका–१३ चुनिखेलमा रहेको रोयल स्पोर्ट्स पार्क खेल मैदानमा बुधबारदेखि खेल सुरु हुन लागेको हो ।
हाइपिटी इभेन्टले पहिलो पटक आयोजना गरेको प्रतियोगिता ३ तीन दिनसम्म चल्नेछ । प्रतियोगितामा ३२ कलेज सहभागी हुने आयोजक हाइपिटी इभेन्टले पत्रकार सम्मेलनमार्फत जानकारी दिएको हो । बुधबारबाट बिहान ८ बजेदेखि संचालन हुने खेलमा पहिलो खेल जुन लुम्बिनी र एभिएसबीच हुनेछ ।
आउटडोर क्रिकेट प्रतियोगितामा सहभागी हुन अवसर नपाएका विद्यार्थीहरु र उनीहरु भित्र लुकेर बसेको प्रतिभालाई प्रस्फुटन गर्ने उद्देश्यले खेल आयोजना गरिए हाइपिटीको भनाइ छ । प्रतियोगिता विजेता टिमले ५० हजार र उपविजेता टिमले ३० हजार रुपैयाँ प्राप्त गर्नेछन् । त्यस्तै उत्कृष्ट खेलाडी, उत्कृष्ट ब्याटर बलर र फिल्डरले पनि नगद पुरस्कार प्राप्त गर्नेछन् ।
क्रिकेट प्रतियोगितामा सहभागी हुने टिमहरुः
एभिएस कलेज, सेन्ट जेभियर्स जावलाखेल, अर्बाना स्कूल अफ साइन्स, बूढानीलकण्ठ मावि, हिमालयन ह्वाइटहाउस इन्टरनेशनल कलेज, चाणक्य व्यावस्थापन क्याम्पस, सेन्ट लरेन्स कलेजनिम्स (नितेन मेमोरियल एचएस स्कूल) ।
ब्रिटिश मोडेल कलेज, जनप्रेमी विश्व विद्यालय, नेपालय कलेज, प्रयोगशाला कलेज,डीएभी कलेज ए, डीएभी कलेज बि, आदर्श नमुना विद्यालय, शिखर एकेडेमी, एलआरआइ कलेज, लुम्बिनी एकेडेमी, मनास्लु वर्ल्ड कलेज, एचआरआइटि कलेज ।
इनसाइट भिजन कलेज, ब्लूबर्ड कलेज, ओमेगा कलेज, गोल्डेनगेट कलेज, शिक्षान्तर कलेज, भिएस निकेतन कलेज तिनकुने, लिभरपुल कलेज र ग्लोबल कलेज अफ म्यानेजमेन्ट कलेज ।
– यस समाचारको श्रोत : Online Khabar हो ।