एसीसी वुमन्स प्रिमियर कप : हङकङविरुद्ध नेपाल टस जितेर फिल्डङ गर्दै
२७ माघ, काठमाडौं । नेपालले एसीसी वुमन्स प्रिमियर कप-२०२४ को पहिलो खेलमा हङकङविरुद्ध टस जितेर फिल्डिङ गर्दैछ ।
मलेसियाको सेलांगुर टर्फ क्लबमा नेपालकी कप्तान इन्दु बर्माले टस जितेर पहिला फिल्डिङ गर्ने निर्णय लिएकी हुन् । नेपालको प्लेइङ ११ मा डली भट्ट र कविता कुँवर फर्किएका छन् ।
नेपालको समूह डी मा हङकङ, भुटान र माल्दिभ्स छन् । प्रतियोगितामा भने नेपालसहित १६ देशको सहभागीता छ । हरेक समूहका शीर्ष दुई टोली क्वाटरफाइनलमा पुग्नेछन् ।
सेमिफाइनल हुँदै फाइनल खेल्ने दुई टोलीले यसै वर्ष हुने वुमन्स एसिया कप खेल्न पाउनेछन् । सेमिफाइनल पुग्ने चार टोलीले एसीसी इमर्जिङ टिम्स एसिया कप २०२५ खेल्न पाउनेछन् ।
नेपालको प्लेइङ ११
अप्सरी बेगम, डली भट्ट, इन्दु बर्मा (कप्तान), कविता जोशी, कविता कुँवर, काजोल श्रेष्ठ, रुविना क्षेत्री, सीता रानामगर, सम्झना खड्का, पुजा महतो र रोमा थापा ।
– यस समाचारको श्रोत : Online Khabar हो ।