Main
कोजाग्रत पूर्णिमासम्मका लागि कांग्रेसको सय दिने अभियान स्थगित
१३ असोज, काठमाडौं । नेपाली कांग्रेसले सय दिने विशेष अभियानलाई दशैंपछि गर्ने गरी सारेको छ ।
७ असोजदेखि तय भएको अभियान कोजाग्रत पूर्णिमा पछि सुरु गर्ने गरी स्थगित गरिएको प्रवक्ता डा.प्रकाशशरण महतले जानकारी गराए ।
बाढीपहिरो प्रभावितहरूलाई राहत, उद्धार कार्यमा लाग्नुपर्ने भएकाले अभियान सारिएको महतले बताए । ‘राहत र उद्धार कार्यमा संलग्न हुनुपर्ने भएकाले त्यतैतिर सम्पूर्ण शक्ति लगाउने निर्णय गरिएको छ,’ महतले भने ।
संगठन सुदृढीकरणका लागि ७ असोजबाट १६ पुससम्म सञ्चालन गर्ने गरी अभियानको घोषणा गरिएको थियो ।
कांग्रेसले ७७ जिल्लामा केन्द्रीय नेताहरुलाई प्रतिनिधि बनाएर पठाइसकेको थियो ।
– यस समाचारको श्रोत : Online Khabar हो ।