गण्डकी प्रदेशस्तरीय चौथो आईटीएफ तेक्वान्दोमा स्याङ्जा च्याम्पियन

२७ जेठ, पोखरा । गण्डकी प्रदेशस्तरीय चौथो आईटीएफ तेक्वान्दो प्रतियोगितामा स्याङ्जा जिल्लाले बाजी मारेको छ । योसँगै स्याङ्जा लगातार २ संस्करणमा च्याम्पियन बनेको हो ।

शनिबार भएको चौथो संस्करणमा स्याङ्जाले १० स्वर्ण, ३ रजत र १० काश्य पदक हात पारेको छ । यस्तै प्रतियोगितामा कास्की ९ स्वर्ण, ५ रजत र ४ काश्यसहित दोस्रो र बागलुङ ८ स्वर्ण, २ रजत र ११ काश्य पदकसहित तेस्रो हुन सफल भएको छ ।

प्रतियोगितामा पुरुषतर्फ दिपाल बुढामगर र महिलातर्फ सुस्मिता थापामगर सर्वोत्कृष्ट खेलाडी घोषित भएका छन् । प्रतियोगितामा सर्वोकृष्ट हुने थापा र बुढा दुवैले प्याट्रन र स्पाइरिङ गरी २÷२ स्वर्ण पदक प्राप्त गरे ।

प्रतियोगितामा ३६ स्वर्ण, ३६ रजत र ७२ काश्य गरी कुल १ सय ४४ पदकका लागि पुरुषतर्फ स्पाइरिङतर्फ २० देखि ८५ केजी तौल समूह र महिलातर्फ २० देखि ६५ केजी समूहमा प्रतिस्पर्धा भएको थियो ।

– यस समाचारको श्रोत : Online Khabar हो ।