जन्मदिनमा अमेरिकाको डालसमा गुञ्जिए प्रमोद खरेल (तस्वीर)

काठमाडौं । मंगलबार जन्मदिन मनाउँदै गरेका गायक प्रमोद खरेललाई सोधियो- तपाईंको उमेर कति भयो ?

उनले जवाफ दिए- भर्खर १८ नाघेर १९ वर्ष लागेँ ।’

जन्मदिन अवसरमा उनी यतिबेला अमेरिकाको सांगीतिक टूरमा ब्यस्त छन् । नेपाली समयानुसार मंगलबार बिहान उनले टेक्सासको डालसमा भव्य सांगीतिक प्रस्तुति दिए ।

प्रमोदलाई सुन्न डालसमा उच्च संख्यामा दर्शकको भीड उर्लियो । हिट ट्रयाक गाएर प्रमोदले माहोल तताइरहँदा दर्शकको यो अभूतपूर्व उपस्थितीले साथ दियो ।

प्राप्त तस्वीर हेर्दा अमेरिकामा पनि नेपालकै जस्तो दर्शकको भीड देखिन्छ । ‘नेपालमा हुने मासजस्तै देखियो यहाँ । सामान्यतया अमेरिकामा मास थोरै देखिन्छ । यो मास हिस्टोरिक हो । खुला ठाउँमा यस्तो मास दुर्लभै पाइन्छ’ टेक्सासबाट अनलाइनखबरसँग उनले भने ।

भर्जिनियामा पनि उनले राम्र्रै साथ पाए । ६/७ हजारको क्राउडले उनलाई साथ दियो । ‘प्रमोद खरेल अमेरिका टूर’ नामक दिइएको यो सांगीतिक यात्रा डालस, सनफ्रान्सिस्को, पेन्सिलभेनिया र भर्जिनियामा भैसकेको छ ।

अब लस-एन्जलसमा नोभेम्बर ८, नर्थ क्यारोलाइनामा नोभेम्बर १०, न्यू ह्याम्सायरमा नोभेम्बर १५ र नेब्रास्कामा नोभेम्बर १६ मा आयोजना हुँदैछ । कोभिड महामारीपछि खरेलको यो पहिलो अमेरिका टूर हो । त्यसयता उनले दर्जनौं पटक अमेरिकामा प्रस्तुति दिइसकेका छन् ।

‘यसपटक दर्शकको उपस्थिती राम्रो पाएँ । हरेक गीतलाई इन्जोय गर्नुभयो । जुन संख्यामा दर्शक उपस्थित हुनुभयो, यसले मप्रतिको माया र साथ दर्शाउँछ’ उनले भने ।

थ्रीई इन्टरटेनमेन्टले टूर आयोजना गरेको हो ।

प्रमोद यतिबेला आफ्नो ब्याण्ड ‘परम्परा’को लागि गीत तयार पार्दैछन् । नेपाल फर्किएपपछि गीत रिलिजको तयारी छ । चिसो याममा ब्याण्डसहित नेपाल टूर गर्ने योजना छ । चाँडै मिति र स्थान तय गर्ने तयारी छ ।

यसबाहेक ब्याण्डलाई लिएर दुबई र अष्ट्रेलियामा पनि टूर गर्ने योजना छ । टूर र गीतको तयारीले गर्दा आफू टिभी रियालिटी शो ‘भ्वाइस अफ नेपाल’को सिजन ६ मा यसपटक कोचको रुपमा देखिन नसक्ने उनले बताए । ‘म यसपटक विश्राममा हुनेछु’ उनले भने । प्रमोद सुरुदेखि नै शोको कोचको रुपमा थिए । ।

आफ््ना दर्जनौं लोकप्रिय गीतमार्फत दर्शक तथा श्रोताको मन जित्न सफल गायक खरेललाई जन्मदिनको हार्दिक शुभकामना !

– यस समाचारको श्रोत : Online Khabar हो ।