तुलसी घिमिरेको फिल्म ‘पहाड’मा विपिन कार्कीले गाए र्याप
काठमाण्डौँ । अभिनयबाट दर्शकको मन जितेका विपिन कार्की गायक पनि हुन् । यो कुरा कमैलाई थाहा छ । फिल्म ‘छड्के’मा समेत उनले एउटा गीत गाएका थिए ।
आगामी फिल्म ‘पहाड’मा समावेश विपिनलाई सुन्न पाइने भएको छ । फिल्ममा उनको शीर्ष भूमिका समेत हुनेछ ।
यसमा उनले एक र्याप गीत गाएका छन् । गीतलाई महाराजगञ्जस्थित भेनस स्टुडियो रेकर्ड गरिएको छ । रञ्जित गजमेरको संगीत रहने यो गीतलाई तुलसीले लेखेका हुन् ।
‘मैले पहिले छड्के फिल्ममा पनि गीत गाएको थिए तर बर्षौ पछि फेरी गीत गाउँदा अझै मज्जा आयो’ बिपिनले भने, ‘हिन्दी र नेपाली शब्द मिसाइएको गीतको लिरिक्स सुन्दा कठिन होला कि जस्तो लागेको थियो तर गाउँदै जाँदा सजिलै गाएँ ।’
गीतमा भारती घिमिरे र अर्का गायकको समेत स्वर समावेश हुनेछ । फिल्ममा ४ गीत हुनेछन् । यो फिल्मलाई तुलसी घिमिरेले निर्देशन गर्दैछन् । घिमिरेको यो २३ औं निर्देशकीय फिल्म हुनेछ ।
तिहारपछि छायांकन तयारीमा रहेको फिल्ममा कार्कीसहित मदनकृष्ण श्रेष्ठ, सुनील थापाको पनि अभिनय हुने जनाइएको छ । नेपालको पहाडी क्षेत्र र भारतको मुम्बईमा बाँकी छायांकन गर्ने तयारी छ ।
– यस समाचारको श्रोत : Online Khabar हो ।