Main
धनुषाको यू-१८ क्रिकेटको उपाधि बटेश्वरलाई
२० साउन, जनकपुरधाम । धनुषाको बटेश्वर गाउँपालिका-४ मा भएको यू-१८ क्रिकेट प्रतियोगितको उपाधि आयोजक टिमले नै जितेको छ ।
शनिबार अपराह्न भएको फाइनल खेलमा आयोजक युथ क्लव बटेश्वरले एसके शान्तिपुरलाई पाँच विकेटले पराजित गर्दै उपाधि जितेको हो ।
टस जितेर पहिले बलिङ गरेको बटेश्वरले शान्तिपुर-११ लाई १३.२ ओभरमा ११२ रनमा अलआउट गरेको थियो ।
शान्तिपुरले दिएको ११३ रनको लक्ष्य १६ ओभरमा पाँच विकेट गुमाएर पूरा गरेको हो ।
विजेता टिमले १२ हजार र उपविजेताले हजार र सिल्ड हात पारे ।
उत्कृष्ट खेलाडी तथा छक्का हान्ने खेलाडीहरुलाई ट्रफी प्रदान गरिएको थियो ।
शिवशक्ति माध्यमिक नमूना विद्यालयको मैदानमा भएको खेलमा १३ वटा टिम सहभागी थिए ।
– यस समाचारको श्रोत : Online Khabar हो ।