परेवा उडाएर सुगत मानन्धरले जिते ५० हजार
२ मंसिर, काठमाडौं । काठमाडौंका सुगत मानन्धरले यस वर्षको परेवा उडान प्रतियोगितामा प्रथम स्थान हात पारेका छन् । उनको परेवाले कुल ३८ घण्टा ३० मिनेटको लामो समय उडान भरेका थिए ।
त्यस्तै दोस्रो स्थानमा कविन श्रेष्ठ (३४ घण्टा ८ मिनेट), वीरेन्द्र श्रेष्ठ तृतिय (३२ घण्टा २३ मिनेट), हरिश भुजु चौथो (२० घण्टा ५१ मिनेट), तुलसी कुमार साहुखल पाँचौं (९ घण्टा १० मिनेट) र सुमन फुयाल छैटौं स्थान (६ घण्टा २४ मिनेट) प्राप्त गरेका थिए।
विजेताहरुले क्रमश ५० हजार, ३५ हजार , २५ हजार, १० हजार, ८ हजार र ५ हजार रुपैंया प्राप्त गरेका थिए ।
प्रतियोगितामा दिनेश श्रेष्ठ उत्कृष्ट खेलाडी बने । उनको एक परेवाले ११ घण्टा १४ मिनेट लामो उडेको थियो । उनले रु २० हजार पुरस्कार जिते ।
नेपाल परेवा उडान खेल संघको आयोजनामा भएको उक्त प्रतियोगितामा ८४ जना खेलाडीहरुले भाग लिएका थिए ।
– यस समाचारको श्रोत : Online Khabar हो ।