मोबाइल गेम स्टोर सुरु गर्दै माइक्रोसफ्ट, गुगल प्ले स्टोरसँग टक्कर
विश्वको सबैभन्दा मूल्यवान कम्पनीको रुपमा रहेको प्रविधि क्षेत्रको दिग्गज कम्पनी माइक्रोसफ्टले आफ्नै अनलाइन मोबाइल गेम स्टोर सुरु गर्ने योजना बनाएको छ ।
रिपोर्ट अनुसार आगामी जुलाईमा माइक्रोसफ्टको गेम स्टोर लञ्च हुनेछ । माइक्रोसफ्ट मातहतको भिडियो गेमिङ ब्राण्ड एक्सबक्सका अध्यक्ष सराह बन्डले ब्लुम्बर्ग टेक्नोलोजी शिखर सम्मेलनका क्रममा उक्त जानकारी गराएका हुन् ।
उनका अनुसार माइक्रोसफ्टको गेम स्टोरमा माइक्रोसफ्ट गेम स्टुडियोका विभिन्न गेमहरु उपलब्ध हुनेछन् । यद्यपि माइक्रोसफ्टको मोबाइल गेम स्टोरमा अन्य कम्पनीहरुले आफ्ना गेमहरु राख्न पाउने नपाउने भन्ने विषयमा भने केही खुलेको छैन ।
रिपोर्ट अनुसार माइक्रोसफ्टको गेम स्टोरमा क्यान्डी क्रस सागा तथा कल अफ ड्युटीः मोबाइल जस्ता गेमहरु पनि उपलब्ध हुनेछन् ।
स्टोरमा विभिन्न गेमहरु खरिद गर्ने अफर पनि प्राप्त हुनेछ। यो स्टोर केवल मोबाइल एपका लागि मात्रै उपलब्ध हुनेछ । अर्थात् यसको वेब भर्सन लञ्च हुनेछैन।
आफ्नै मोबाइल गेम स्टोर लञ्च हुँदा माइक्रोसफ्टलाई ठूलो फाइदा पुग्नेछ । किनकि उसले गुगल तथा एप्पल जस्ता कम्पनीलाई जुन शुल्क तिर्दै आएको छ, त्यो दिनुपर्नेछैन । यो करीब ३० प्रतिशत रहेको छ।
यद्यपि भविष्यमा गुगल र एप्पलका एप स्टोरसँग माइक्रोसफ्टले कसरी प्रतिस्पर्धा गर्नेछ भन्ने कुरा निकै रोचक हुनेछ । किनकि यी दुई प्लाटफर्ममा पहिले नै धेरै एपहरु उपलब्ध छन् ।
माइक्रोसफ्ट भलै एउटा ठूलो गेमिङ कम्पनी हो, तथापि एप स्टोर तथा मोबाइलको मामिलामा एप्पल र गुगलको पहुँच यसको भन्दा निकै मजबुत छ।
एजेन्सी
– यस समाचारको श्रोत : Online Khabar हो ।