यो हो संसारकै वृद्ध गुरिल्ला
विश्वको हालसम्मको सबैभन्दा पाको जीवित गुरिल्लाले हालै आफ्नो ६७औं बर्थडे मनाएको छ ।
जर्मनीको बर्लिन चिडियाखानामा सन् १९५९ को मे महिनामा ल्याइएको उक्त पोथी गुरिल्लाको नाम फातोउ हो ।
चिडियाखानामा ल्याउँदा उसको उमेर २ वर्षको थियो ।
वेस्टर्न लो ल्याण्ड प्रजातिको उक्त गुरिल्लाको औसत आयु ४० देखि ५० वर्षसम्म हुने गर्दछ । तर, ६७ वर्षको भैसक्दा पनि फातोउ अझै स्वस्थ छ ।
जन्मदिनको दिन चिडियाखानाका कर्मचारीहरुले उसलाई उपहार स्वरुप फलफूल र तरकारी भरिएको टोकरी दिएका थिए । त्यसमा फातोउले निकै मन पराउने पालुंगोको साग, बेरी, खरबुजा तथा खान मिल्ने फूलहरु राखिएको थियो ।
चिडियाखानाका पशुचिकित्सक डाक्टर एन्ड्रे शुल भन्छन्- सामान्यतया हामीले हाम्रा जनावरहरुको राम्रो पोषणमा निकै ध्यान दिन्छौं । अझ फातोउजस्ता बुढा जनावरहरुको हकमा चाहिं विशेष रुपमा खानेकुराको बन्दोबस्त गर्दछौं ।
फातोउलाई निकै नरम खानेकुरा चाहिन्छ ताकि दाँत नभएपनि उसलाई खान सजिलो होस् ।
फातोउको दैनिकी कसरी बित्छ ?
उसको दैनिकी खानेकुरा खोजेर तथा डोरीहरुमा चढेरै बित्ने गर्दछ । अरु गुरिल्लासँग दूरी कायम गर्न मन नपराउने हुनाले फातोउ आफ्नै क्षेत्रमा बस्ने गर्दछ ।
फातोउको नजिकैका खोरहरुमा १९ वर्षको सांगो, ३८ वर्षकी पेन्जी, २७ वर्षकी बिबी, २२ वर्षकी जाम्बाला र ३ वर्षकी टिल्ला रहेका छन् ।
फातोउ वास्तवमा अति संकटापन्न प्रजातिको गुरिल्ला हो । यो प्रजातिलाई अफ्रिकन वर्षाजंगलको माली भनिन्छ ।
गुरिल्लाले बीउको ओसारपसार गरेर पर्यावरण चक्रको सन्तुलनमा ठूलो भूमिका खेल्दछ।
– यस समाचारको श्रोत : Online Khabar हो ।