रामराजा स्वास्थ्य विज्ञान प्रतिष्ठानको पूर्वाधार समिति अध्यक्षमा मिश्र नियुक्त

२५ माघ, काठमाडौं । सरकारले सप्तरीको रामराजा प्रसाद सिंह स्वास्थ्य विज्ञान प्रतिष्ठान पूर्वाधार तयारी विकास समिति अध्यक्षमा परशुराम मिश्रलाई नियुक्त गरेको छ ।

बिहीबार बसेको मन्त्रिपरिषद बैठकले समितिको गठन आदेश, २०८० बमोजिम अध्यक्ष पदमा महोत्तरीको साबिक नगरासिश्र्वा–१० बसेका मिश्रलाई नियक्ति दिने निर्णय गरेको हो ।

बैठकले विद्युतीय सुशासन आयोग सम्बन्धमा व्यवस्था गर्न बनेको विधेयक तर्जुमा गर्न सैद्धान्तिक स्वीकृति दिने निर्णय पनि गरेको छ ।

यसैगरी गरिब परिवार पहिचान तथा परिचयपत्र वितरण (पहिलो संशोधन) निर्देशिका, २०८० स्वीकृत भएको छ ।

– यस समाचारको श्रोत : Online Khabar हो ।