सशस्त्र प्रहरीका ४ डीआईजीको सरूवा
१२ भदौ, काठमाडौँ । चार जना सशस्त्र प्रहरी नायव महानिरीक्षक (डीआईजी)को सरूवा भएको छ ।
गृहमन्त्रीस्तरको भदौ १२ गतेको निर्णय अनुसार ४ जना सशस्त्र प्रहरी नायव महानिरीक्षकको सरूवा भएको हो ।
सशस्त्र प्रहरी मुख्यालयका अनुसार सशस्त्र प्रहरी बल नेपाल न-५ विन्ध्यवासिनी बाहिनी मुख्यालय रुपन्देहीमा कार्यरत डीआईजी अभिकुमार खत्रीलाई प्रधान कार्यालयस्थित मानव स्रोत साधन विभागमा ल्याइएको छ ।
सशस्त्र प्रहरी बल, नेपाल नं.६ महेश्वरी बाहिनी मुख्यालयमा सुर्खेतमा कार्यरत डीआईजी दुर्गा प्रसाद भट्टराईलाई राष्ट्रिय सुरक्षा परिषद्को सचिवालय सिंहदरवारमा सरूवा गरिएको छ ।
सुरक्षा परिषद्मा रहेका डीआईजी प्रदीपकुमार पाललाई सशस्त्र प्रहरी बल नेपाल नं-५ विन्ध्यवासिनी बाहिनी मुख्यालय रुपन्देहीमा पठाइएको छ ।
त्यसैगरी सशस्त्र प्रहरी बलको प्रधान कार्यालय स्रोतसाधन विभागमा कार्यरत डीआईजीलाई सशस्त्र प्रहरी बल नेपाल नं-६ महेश्वरी बाहिनी मुख्यालय सुर्खेतमा सरूवा गरिएको छ ।
– यस समाचारको श्रोत : Online Khabar हो ।