असल चालनचलनमा छुटेका कैदी २३ वर्षपछि फेरि पक्राउ
३० जेठ, काठमाडौं । असल चालचन भन्दै प्रजातन्त्र दिवसको दिन छुटेका कैदी २३ वर्षपछि फेरि पक्राउ परेका छन् ।
पक्राउ पर्नेमा दोलखाको मेलुङ गाउँपालिका–१ घर भएका ७२ वर्षीय केदार भनिने दुर्गबहादुर दमाई र सोही ठाउँका ५३ वर्षीय साधुराम भनिने खड्गबहादुर दमाई छन् ।
उनीहरुलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो । कर्तव्य ज्यानको मुद्दामा कैद भुक्तानका लागि उनीहरुलाई काठमाडौं जिल्ला अदालत पेश गरिएको छ ।
दोखलामा व्यक्ति हत्या गरेको आरोपमा २५ माघ २०५३ मा उनीहरुविरुद्ध जिल्ला अदालत दोलखाले सर्वश्वसहित जन्मकैदको फैसला सुनाएको थियो । कारागार व्यवस्थापन विभागको सिफारिस अनुसार असल चालचलन भएको भन्दै प्रजातन्त्र दिवस दिनको ७ फागुन २०५६ मा उनीहरु कारागारबाट छुटेका थिए ।
कैदी माफी मिनाहाबाट उनीहरु छुटेपटि पीडित पक्षले पुनरावेदन हुँदै सर्वोच्च अदालतसम्म पुगेका थिए ।
सर्वोच्चले ७ मंसिर २०५८ मा कैदी माफी मिनाहा उल्टाउँदै जिल्लाकै फैसला सदर गरेको थियो । त्यसयता फरार रहेका उनीहरुलाई प्रहरीले २३ वर्षपछि काठमाडौंबाट पक्राउ गरेको हो ।
– यस समाचारको श्रोत : Online Khabar हो ।