Main
पर्सामा बिलबिजकभन्दा बढी सामान बोकेको मालवाहक ट्रक नियन्त्रणमा
४ वैशाख, काठमाडौं । जिल्ला प्रहरी कार्यालय पर्साले ६१ लाख रुपैयाँभन्दा बढी मूल्यबराबरको औषधि तथा खुद्रा सामान नियन्त्रणमा लिएको छ ।
सोमबार राति घण्टाघर चोकस्थित सडकखण्डमा चेकजाँचका क्रममा ना ६ ख ६५१२ नम्बरको ट्रकले बिलबिजकभन्दा बढी औषधि र खुद्रा सामान बोकेको पाइएपछि नियन्त्रणमा लिइएको हो ।
जिल्ला प्रहरी कार्यालय पर्साका सूचना अधिकारी प्रहरी नायब उपरीक्षक कुमारविक्रम थापाले वीरगञ्जबाट कञ्चनपुरतर्फ जाँदै गरेको उक्त ट्रकले बिलबिजकमा उल्लेख भएभन्दा बढी सामान बाकेको र बिल पनि शंकास्पद दखिएको हुँदा नियन्त्रणमा लिएको जानकारी दिए ।
थापाले नियन्त्रणमा लिइएको ट्रक थप अनुसन्धान तथा आवश्यक कारवाहीका लागि राजश्व अनुसन्धान कार्यालय, बारामा बुझाइएको बताए ।
– यस समाचारको श्रोत : Online Khabar हो ।