पुँजीगत खर्च बढाउन धेरै सुधारको आवश्यकता छः डा. गोविन्द पोखरेल

४ फागुन, काठमाडौं । नेपाली कांग्रेसका केन्द्रीय सदस्य प्रा.डा गोविन्दराज पोखरेलले पुँजीगत खर्च गर्ने क्षेत्रमा धेरै सुधारको आवश्यकता रहेका बताएका छन् ।

पार्टीको केन्द्रीय समिति बैठकमा प्रस्तुत तिन प्रतिवेदनमा माथि धारणा राख्दा पोखरेलले उक्त विषय उठाएका हुन् । योजना आयोगमा पूर्व उपाध्यक्ष समेत रहेका पोखरेलले अर्थमन्त्री गत सालको फागुण ३ गतेको तुलनामा यही मितिमा यो वर्ष पुँजीगत खर्च ३ अर्वले कम भएको तथ्यांक प्रस्तुत गरे ।

‘ऋण तथा बचत सहकारीको सुशासनको अवस्था नाजुक छ । यस क्षेत्रको समस्याले सर्वसाधारणको लगानी तथा बचत डुब्ने अवस्था छ,’ पोखरेलले भने,‘कमर्सियल बैकमा अहिले खराव ऋण ३% छ । गत वर्ष ०.५% थियो । २० मध्ये ८ वटा बैकले लाभांसा वितरण गर्न सकेका छैनन् ।’

आगामी निर्वाचनमा रुखमा मात्रै मत खसाल्न पाउने महामन्त्री गगन थापाको प्रस्तावले पार्टीमा उत्साह थपेको पोखरेलले बताए । महामन्त्री थापाले विधान संशोधन र १५ औ महाधिवेशनको तालिका कार्यान्वयन हुनुपर्ने पोखरेलको धारणा थियो ।

पोखरेलले पार्टी संरचनाको समितिहरु भद्धा भएकाले घटाउन आवश्यक रहेको बताए । जबरजस्ती धर्म परिवर्तन गरिने कार्यलाई सरकारले संविधानको अधिकार प्रयोग गरी रोक्नुपर्ने पोखरेलको मत छ । सासंद, मन्त्री र नेता भन्दा उद्यमी धेरै बनाउने बाटोमा जानुपर्ने पोखरेलले धारणा राखे ।

– यस समाचारको श्रोत : Online Khabar हो ।