बुद्धिचालको यु-१५ राष्ट्रिय प्रतियोगिताको लागि खेलाडी छनोट
२६ जेठ, काठमाडौं । पोखरामा २९ देखि ३२ जेठसम्म हुने विद्यालय स्तरीय खेलकुद अन्तर्गत बुद्धिचालका लागि बागमती प्रदेशको छनोट खेलबाट छात्र र छात्रातर्फ ४/४ जना खेलाडी छनोट भएका छन् ।
छात्रतर्फ ललितपुरका अभिषेक शाह, सिन्धुपाल्चोकका सजल न्यौपाने, भक्तपुरका संयोग लामा र दोलखाका सुपर्णमान श्रेष्ठ छनोट भए भने छात्रातर्फ काठमाडौंकी रिया श्रेष्ठ र एन्जेल महर्जन, भक्तपुरकी श्रेया दुवाल र ललितपुरकी प्रकृति राई छनोट भएका छन् ।
मधेश प्रदेशमा सम्पन्न छनोट प्रतियोगिताबाट छात्रतर्फ सप्तरीका हिमांशु सिह, सिरहाका प्रिन्सकुमार शाह, शिवम् पूर्वी र नवीन मण्डल छनोट भएका छन् । छात्रातर्फ सप्तरीकी सम्पदा मगर र चन्द्रमाया मगर तथा सिरहाका काजल साह र आशिका चौधरी छनोट भएका छन् ।
बागमती प्रदेशमा छनोट भएका खेलाडीहरुलाई नेपाल बुद्धिचाल महासंघका कोषाध्यक्ष ताराबहादुर रानाभाट, बागमती प्रदेश संघका सचिव रजुला जोशीले प्रमाणपत्र प्रदान गरे । मधेश प्रदेशबाट छनोट भएकाहरुलाई नेपाल बुद्धिचाल महासंघका केन्द्रीय सदस्य राजु ताम्राकारले पुरस्कृत गरे।
– यस समाचारको श्रोत : Online Khabar हो ।