Main
रङ लगाउने क्रममा २ तले घरको छतबाट खसेर मजदुरको मृत्यु
३२ साउन, काठमाडौं। काठमाडौंको चन्द्रागिरि-१५ नैकापमा रङ लगाउने क्रममा २ तले घरको छतबाट खस्दा एकजना मजदुरको मृत्यु भएको छ ।
मृत्यु हुनेमा नुवाकोटको पन्चकन्या गाउँपालिका-१ घर भएका ४१ वर्षीय अणबहादुर थापा मगर रहेको जिल्ला प्रहरी परिसर काठमाडौं का प्रवक्ता नवराज अधिकारीले बताए।
उनका अनुसार घरमा रङ लगाउने क्रममा खस्दा उनी घाइते भएका थिए । घाइते भएका उनलाई उपचारका लागि लैजानेक्रममा बाटोमै मृत्यु भएको प्रहरीले जनाएको छ ।
उक्त घटनाबारे थप अनुसन्धान भइरहेको प्रहरीले जनाएको छ ।
– यस समाचारको श्रोत : Online Khabar हो ।