विगत एक महिनामा सेयर मूल्य धेरै घटेका यी ९ कम्पनी

६ भदौ, काठमाडौं । विगत एक महिनामा सेयर बजारको परिसूचक नेप्से १९ प्रतिशतले बढेको छ । साउन ६ गते २४८५ अंकमा रहेको बजार भदौ ५ गते कारोबार बन्द हुँदा २९६९ अंकमा छ । बजार बढ्दा अधिकांश कम्पनीको मूल्य पनि बढेको छ ।

तर केही कम्पनीको मूल्य भने बजार बढ्दा पनि घटेको छ । विगत एक महिनामा प्रायः लघुवित्त कम्पनीहरुको मूल्य घटेको देखिन्छ । लघुवित्त समूहको सूचक विगत एक महिनामा सबैभन्दा न्यून वृद्धि भएको समूह हो ।

यो समूहको सूचक विगत एक महिनामा जम्मा २.४ प्रतिशत मात्रै बढेको छ । साउन ६ गते ५२४३ मा रहेको लघुवित्त हाल ५३७३ अंकमा छ । लघुवित्त समूह नै सुस्त गतिमा बढ्दा केही कम्पनीको मूल्य भने घटेको छ ।

विगत एक महिनामा गणपति माइक्रोफाइनान्सको मूल्य सबैभन्दा धेरै २९.२४ प्रतिशत घटेको छ । सार्वजनिक चौथो त्रैमासिक वित्तीय विवरण अधिकांश माइक्रोफाइनान्स कम्पनीको सुधारोन्मुख देखिन्छ । तर बजारमा भने अरुको तुलनामा यस क्षेत्रप्रति आकर्षण बढ्न सकेको छैन । एक हाइड्रोपावरसहित ९ कम्पनीको मूल्य एक महिनामा १३ प्रतिशतभन्दा धेरै घटेको छ ।

विगत एक महिनामा मूल्य उच्च दरमा घटेका यी ९ कम्पनी

कम्पनी
हालको मूल्य
गिरावट दर प्रतिशत

गणपति माइक्रोफाइनान्स
१६१४.२०
– २९.२४

आरम्भ चौतारी लघुवित्त
११०९.६०
– २०.५२

स्वाभिमान लघुवित्त
१४१०.१०
– १६.९६

हिमालयन लघुवित्त
१०८४
– १५.९०

सिक्लेस हाइड्रोपावर
७३६
– १५.८७

विजय लघुवित्त
९५०
– १५.५६

धौलागिरि लघुवित्त
१२१९.५०
– १४.१२

सामुदायिक लघुवित्त
१२१०.१०
– १३.९३

इनिफिनिटी लघुवित्त
१०६५
– १३.८४

– यस समाचारको श्रोत : Online Khabar हो ।